María Hugrún Ólafsdóttir (1921–1979) og Vilhjálmur Knudsen (1944–2020)

María Hugrún Ólafsdóttir (1921–1979), listmálari

Vilhjálmur Knudsen (1944–2020), kvikmyndagerðarmaður

Ósvaldur Knudsen (1899–1975), málarameistar og kvikmyndagerðarmaður

María Hugrún Ólafsdóttir myndlistarkona var fædd á Tálknafirði 6. maí 1921. Hún stundaði nám í Handíðaskólanum í Reykjavík 1941–1943, Konunglegu listaakademíunni í Kaupmannahöfn 1946–1952 og fór í námsferðir til Hollands og Parísar.

María tók þátt í fjölda samsýninga á Íslandi, í Þýskalandi og Danmörku ásamt því að taka þátt í árlegri sýningu „SE“ hópsins í Charlottenborg í 28 ár. Þess að auki hélt hún tvær einkasýningar í Norræna húsinu árin 1973 og 1976. Verk Maríu eru meðal annars í eigu Listasafns Reykjavíkur, Listasafns Íslands, Menntamálaráði, Skógasafnsins, Statens Museum for Kunst og Undervisningsministeriet. Þá hlaut María heiðursstyrki frá Ekersberg-Thorvaldsensfond, Statens Kunstfond, Anne E. Munch, Dansk-Islandsk fond og Menntamálaráði.

María átti lengst af heima í Kaupmannahöfn. Hún kvæntist Alfred Immanuel Jensen (1917-2006) myndlistarmanni árið 1952. Þau áttu tvær dætur saman; Johanne Marie Jensen (f. 1953) og Valdis Elsebet Jensen (f. 1957). Fyrir átti María soninn Vilhjálm. María lést í Kaupmannahöfn árið 1979.

—

Vilhálmur Knudsen var kvik­mynda­gerðarmaður. Hann fædd­ist á Bíldu­dal 14. maí 1944, son­ur Ósvald­ar Knudsen, málara­meist­ara og kvik­mynda­gerðar­manns, og Maríu H. Ólafs­dótt­ur listmál­ara. Á yngri árum dvaldi Vil­hjálm­ur hjá móður sinni í Kaup­manna­höfn, en hún fór þangað í list­nám og sett­ist þar að. María skrifaði m.a. bók um ferðalag Vil­hjálms, Villi fer til Kaup­manna­hafn­ar.

            Vil­hjálm­ur hóf snemma fer­il sinn við kvik­mynda­gerð og var aðeins þrett­án ára þegar hann hóf að kvik­mynda með föður sín­um. Sautján ára gam­all hóf Vil­hjálm­ur að sýna kvik­mynd­ir föður síns um land allt á sumr­in. Vil­hjálm­ur lauk stúd­ents­prófi frá MR og hóf síðar nám í kvik­mynda­gerð í London In­ternati­onal Film School.

Eft­ir heim­komu til Íslands var eitt af fyrstu verk­um Vil­hjálms að mynda eld­gosið í Heima­ey ásamt föður sín­um. Mynd­in Eld­ur í Heima­ey var sýnd ásamt fleiri mynd­um í sal þeirra feðga í Hellu­sundi, húsi sem faðir hans byggði, sam­fellt frá ár­inu 1974. Í Hellu­sundi ólu hann og Lynn Costello Ryyth, fyrr­ver­andi eig­in­kona hans, upp þrjú börn, þau Ósvald, Elínu og Vil­hjálm. Barna­börn­in eru fimm tals­ins.

Árið 2012 hlaut Vilhjálmur heiðursverðlaun Eddunnar fyrir fralag sitt til kvikmyndagerðar og ómetanlega söfnun og varðveislu heimildarmynda um íslenska náttúru og lifnaðarhætti.

(Heimild: andlátstilkynning Morgunblaðið 23. maí 2020)

Úr fórum fjölskyldunnar. Barst um hendur Brynhildar Björnsdóttur, eiginkonu Ósvalds Knudsen (f. 1974).

Þann 30. ágúst 2021 barst um hendur Brynhildar L. Björnsdóttur (f. 1977) nokkur bréf sem María Hugrún Ólafsdóttir (1921–1979) sendi syni sínum Vilhjálmi (1944–2020) ásamt póstkortum og ljósmyndum þeim mæðginum tengdum. Vilhjálmur var tengdafaðir Brynhildar.

–

Einnig fylgdi afhendingunni nokkur póstkort til Jóhönnu Knudsen frá byrjun 20. aldar en Jóhanna var fyrrum mágkona Maríu. Ákveðið var að setja afhendinguna á sitthvort safnmarkið. [safnmark: KSS 2021/14 (María Hugrún Ólafsdóttir) og KSS 2021/17 (Jóhanna Knudsen)]